Kjaftagangur á þingi

Nú er einmitt rétti tíminn til að velta málum vel fyrir sér, helst í marga daga áður en nokkuð verður gert. Það er nákvæmlega það sem þjóðin hefur verið að kalla eftir. Að þingmenn tali og tali þar til þeir verða rauðir í framan. Það á alveg örugglega eftir að redda fólki í erfiðleikum.

Ég hef aldrei verið hrifin af fólki sem talar í löngu máli það sem hægt er að segja í stuttu máli, gildir einu hvort viðkomandi er vinstri grænn eða sjálfstæðismaður. Það er þingheimi til minnkunar að beita málþófi eða óþarfa málalengingum þegar þjóðin er á barmi gjaldþrots. Og til að bíta höfuðið af skömminni þá eyða menn löngum tíma í að rífast um það hvort einhver tali mikið eða lítið.

Kannski er hér enn eitt dæmið um þá gjá sem myndast hefur milli þjóðar og þings.

Saka sjálfstæðismenn um málþóf

Athugasemdir

[JR (IP-tala skráð) 9.3.2009 kl. 23:48]

Sjálfstæðisflokkurinn hefur ekki enn skammast sín og beðið okkur afsökunar á bankahruninu.  Að þeirra stefna hafi beðið skipbrot .

Núna reyna þeir að eyðileggja enn þá meira fyrir okkur !

 Þetta er allt í boði sjálfstæðisflokksins !