Ég kann ensku!

Ég og Mía, eldri dóttir mín (sem er 4, alveg að verða 5) lágum inní rúmi í kvöld og hlustuðum á gamla spólu með Mini Pops frá árinu 1982. Þar sem Mía liggur á koddanum og raular með erlendum lögunum á "bullensku", þá segir hún við mig: "Pabbi eru þau að syngja á ensku?" "Já" segi ég. Þá svarar hún: "Heyrðu pabbi, þá kann ég ensku." Síðan hélt hún áfram að syngja sig í svefn.

Á þessari Mini Pops spólu er syrpa af lögum sem hinir geðþekku drengir í Village People sungu í denn. Ég man að við sungum lagið Go West, með VP, á árshátíð á Stórutjörnum, og ég var indíáninn í hópnum, sem var hið besta mál fyrir utan það að ég var nýrisinn uppúr hlaupabólu og var skelfilegur á að líta, þar sem ég stóð ber að ofan með indíánafjaðrirna, allur í dílum og doppum eftir veikindin. Vildi að ég hefði verið leðurhomminn.

P.S. Rakst á stórgóða heimasíðu Village People. Um að gera að hækka allt í botn og njóta.

Athugasemdir

[Sigga Júlla (IP-tala skráð) 15.6.2007 kl. 14:48]

Ég man eftir þessari árshátíð.....ég var ásamt Elvu, Hönnu Karls og Antoni í Boney M!!! ....og ég get svo svarið það að ég man líka eftir hlaupabólufaraldrinum....

Skemmtilegt blogg Örri

[Guðmundur Örn Jónsson, 16.6.2007 kl. 18:11]

Ég man að Anton hoppaði allan tíman á annari löpinni og stóð sig vel í því. Öll svartmáluð í framan og flott.

[mamma (IP-tala skráð) 17.6.2007 kl. 14:22]

Hvernig væri að árgangar ykkar færu að hittast og rifja upp gamlar endurminningar.

mamma