Gifting og þríburaskírn
1.1.2008 | 15:48
Gleðilegt nýtt ár, langaði að taka aðeins fyrir atburð í desembermánuði.
15. desember síðastliðinn annaðist ég hjónavígslu og skírði þríbura. Hjónin eru Hilmar, elsti og besti vinur minn, og Thelma, frænka hennar Gíslínu. Þau eru bændur í Leyningi inní Eyjafirði.
Um tíma virtist þetta ekki ætla að ganga eftir. Gíslína ætlaði uppá land á fimmtudegi, með seinna flugi, en því var aflýst vegna veðurs. Ég ætlaði uppá land með Herjólfi á föstudagsmorgni, en báðar ferðir Herjólfs féllu niður þann daginn og allt flug auðvitað líka. Við komumst loks með flugi til R-víkur á laugardagsmorgni, en þá var seinkun á fluginu okkar norður um rúma tvo tíma. Hlynur mágur kom okkur í annað flug, þannig að við komumst norður og keyrðum í botni inní Leyning (með viðkomu í Jólahúsinu í Vín, því ég gleymdi skírnarkertum í asanum).
Gifting og skírn gekk að óskum og sem betur fer var seinkun á flugi suður, þannig að við gátum notið smástundar með góðum vinum áður en við fórum suður í fertugsafmæli til Gunnu mágkonu (hennar Gíslínu).
Þríburarnir heita: Berglind Eva, Dagbjört Lilja og Kristján Sigurpáll.
***
Núna í dag var hátíðarmessa hér í Landakirkju. Ég hafði samband við Óla Jóagóðan félaga og vin sem er prestur í Seljakirkju (og vestmannaeyingur í húð og hár) og fékk hann til að prédika í messunni. Þetta er sami háttur og við höfðum á í fyrra í messu á nýársdegi, spurning um að skapa hefð. Óli stóð sig að sjálfsögðu með prýði, eins og hans er von og vísa, og kirkjugestir voru ánægðir með að fá að heyra í honum í stólnum.
Meginflokkur: Bloggar | Aukaflokkar: Trúmál og siðferði, Vinir og fjölskylda | Breytt 26.1.2008 kl. 17:51 | Facebook
Athugasemdir
Gleðilegt ár og takk fyrir allt gamalt.
Sigríður Júlía Brynleifsdóttir (IP-tala skráð) 2.1.2008 kl. 14:51
Gleðileg ár ! Hafðu það sem allra best á nýju ári!
Sunna Dóra Möller, 4.1.2008 kl. 21:25
Gleðilegt ár og takk fyrir okkur. Þið áttuð stóran þátt í að gera daginn ógleymanlegan. Já og takk fyrir alla fyrirhöfnina
Thelma og Hilmar (IP-tala skráð) 5.1.2008 kl. 13:10
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.